དེ་
ཁྲོམ་སྐོར་གྱི་ཐོག་མར་ཐུན་རིན་རྫོང་མི་རིགས་སློབ་འབྲིང་དང་པོ་ནས་མགོ་འཛུགས་བྱས་ཡོད་ཅིང་། སྐབས་དེར་རྨ་ལྷོ་ཁུལ་མི་རིགས་མཐོ་འབྲིང་གི་དགེ་རྒན་ཚོས་སློབ་མ་རྣམས་སློབ་གྲྭའི་ར་བར་བཅུག་སྟེ་སྒོ་བརྒྱབ་ཡོད་ཀྱང་། ཕྱི་ནས་སྐད་འབོད་ཤུགས་ཆེན་བྱས་པར་བརྟེན། ནང་ལོགས་ཀྱི་སློབ་མ་ཚོས་སྒོ་ཆེན་གཏོར་ཏེ་ཕྱི་ལ་ཐོན་ཡོད་འདུག སློབ་མའི་ཁྲོམ་སྐོར་དེའི་ཁྲོད་རེབ་གོང་རོང་པོ་དགོན་པའི་དགེ་འདུན་པ་དང་ས་གནས་མང་ཚོགས་མང་པོ་ཞིག་ཀྱང་མཉམ་ཞུགས་གནང་ཡོད་འདུག་ལ། ཉིན་རྒྱབ་ཆུ་ཚོད་ ༢ དང་ཕྱེད་ཀའི་ཐོག་མུ་མཐུད་དུ་སྐད་འབོད་བྱེད་མུས་ཡིན་འདུག དུས་དེར་གཞུང་གི་ཉེན་རྟོག་པའི་རླངས་འཁོར་ཉི་ཤུ་ནས་སུམ་ཅུ་ཙམ་ཞིག་མཐའ་འཁོར་དུ་བསླེབས་ཡོད་ཀྱང་། ད་སྔ་འཛིན་བཟུང་དང་ཉེས་རྡུང་སོགས་ཀྱི་གནས་ཚུལ་གང་ཡང་བྱུང་མི་འདུག
No comments:
Post a Comment