རེབ་གོང་ལ་ཆུ་ལོག་གནོད་འཚེ།

http://tibettimes.net/news.php?showfooter=1&id=3392

འདོན་སྤེལ། ༢༠༡༠/༠༩/༢༢

རེབ་གོང་ཁུལ་གྱི་བོད་པའི་གྲོང་སྡེ་ཁག་ཅིག་ཏུ་ཆུ་ལོག་དང་འདམ་ཟེགས་ཀྱི་དོན་རྐྱེན་བྱུང་སྟེ། མི་གཉིས་རྐྱེན་ལམ་དུ་ཤོར་ཡོད་པ་དང་། གཞན་བ་ཕྱུགས་དང་འབྲུ་རིཊ། གྱོན་ཆས་སོགས་ཅ་དངོས་མང་པོ་ཆུ་ལོག་གིས་ཁུར་བ་དང་འདམ་གྱིས་མནན་པ་སོགས་ཀྱི་གནས་ཚུལ་ཐོན་འདུག 

ཕྱི་ཚེས་ ༢༠ ཉིན་གྱི་དགོང་མོའི་ཆུ་ཚོད་བརྒྱད་པ་ཡས་མས་སུ་རེབ་གོང་སྒོ་དམར་སྡེ་བའི་ནང་དུ་ཆུ་ལོག་རྒྱུགས་ཏེ། སྒོ་དམར་དགོན་པའི་ཚོང་ཁང་སོགས་ཚོང་ཁང་བཞི་ལྷག་དང་། སྨན་ཁང་གཅིག  དེ་ལས་གཞན་ཆེས་ཉུང་མཐའ་ཡང་ཁྱིམ་ཚང་ཉི་ཤུ་ལྷག་གི་ཁང་བའི་ནང་འདམ་ཆུས་ལུད་ཡོད་པ་དང་། ཞིང་ས་བརྒྱ་ཆའི་སུམ་བཅུ་ལྷག་ལ་གཏོར་བརླག་བྱུང་སྟེ་ལོ་རྗེས་མར་ཞིང་འདེབས་དཀའ་བའི་གནས་སུ་གྱར་ཡོད་པ་མ་ཟད། ཁྱིམ་ཚང་བཅུ་གྲངས་ཤིག་གི་ཁང་པར་གནོད་འཚེ་ཐེབས་ཡོད་འདུག འདྲུད་འཐེན་འཁོར་ལོ་དང་། ཐེངས་འདིའི་གོད་ཆག་ཁྲོད་ས་གནས་མང་ཚོགས་ཀྱི་སྦག་སྦག་འཕྲུལ་རྟ་དང་། བ་ཕྱུགས། འབྲུ་རིགས་དང་གྱོན་ཆས་སོགས་མང་པོ་ཞིག་ཀྱང་འདམ་ཆུས་ཁུར་སྟེ་གྱོང་གུད་ཚབས་ཆེན་བྱུང་འདུག རེབ་གོང་སྨད་པའི་ཁ་རྒྱ་སྡེ་བར་ཡང་ཆུ་ལོག་གི་གནོད་འཚེ་བྱུང་སྟེ་མི་གཉིས་བསད་པའི་གནས་ཚུལ་བྱུང་འདུག